Ýok, sen dünýä direg bolup gelmändiň,
Sen diňe meň ykbalymyň diregi,
Jadyly däl, seniň adaty gözleň,
Bagt bolup maňlaýymdan diredi.

Ertekiden çykan şa gyzy däldiň,
Pukara obamyň sadaja güli,
"Dünýä gözeline" meňzetmesemde,
Ýigrenerdim, sensiz geçen her güni.

Sen melegem däldiň, jadyly hüýrem,
Özge gyzlardanam üýtgeşik däldiň,
Ýöne arzuwlanýan gözel hüýrleri,
Seň aýak tozuňa çalyşjak däldim.

Ýyldyz bagşylara öýlenmekçidim,
Öýde ýaňlansyn diýp, mylaýym sesi
Selena Gomesim, meniň Madonnam,
Meniň arzuwlarmyň ýalňyz eýesi,

Özüň bolduň meniň arzuwlan duýgym,
Umman gözleriňde ereýär gaýgym,
Men seni hiç zada deňäp bilmerin,
Agym, bagtym, derdim, ömürlük söýgüm.

Maksat Esenow.