Etraba ýakynda bellenen deputat, täze açylan obalara aýlanyp ýör. Ol ýanyna üýşen oba adamlaryna garap, öwünmäge başlaýar:
– Hawa, adamlar! Maňada, halk uly ynam bildirip täzelikde etraba deputat bellediler. Näme ýetmez zadyňyz bolsa aýdyň oturyň, hökman düzederis!
Märekeden ýaşuluraklaň biri çykýarda kemçilikleri aýdyp ugraýar:
– Inim, tüweleme, biliňi guşap kömege geleniň çynyňyz öýdýän. Şeýdip kömek ediň halka-da Uzagyndan bolsun hern-ä.
Neme, biziň ýetmez iki sany meselämiz bar. Birinji mesele, entek oba gaz çekilmedik. Ikinji mesele...
– Duruň, duruň ýaşuly, heýde beýle zat bolarmy! Entegem gaz çekmeýişlerine haýran. Garaşyň birje minut! - diýip, deputat ýaňkyň sözüni bölýärde, jübi telefony-na ýapyşýar. Ol kimedir birine jaň edip, gaharly gürleşip ugraýar. Gaz meselesiniň ýakyn wagtda dikeldilmegini buýruk berýär. Oba adamlarynyň hemmesi deputata üşerilip seredýärler. Bulaň, agzyny öweldip, ünsli diňläp duranlaryny gören deputat, hasam beleň alýar. Esli wagt gürleşip bolansoň, telefony öçürip jübüsine salýarda, märekä ýüzlenýär:
– Adamlar, gaz meseläňizi çöp döwlen ýaly edendirin. Ýakyn wagtda başlarlar, arkaýyn boluň. Indi, ikinji meseläňiz näme diýdiňiz?!
Duran märekeden hiçhili ses-üýn çykmaýar. Deputat soragyny ýene gaýtalaýar:
– Aýdyň ahyryn, ýene-de bir meselämi bar diýdiňiz dälmi ýaňy?
Emma, märekeden şol ses çykman durşumyş. Bulaň dymyp durşuna gahary gelen deputat:
– Näme, lal açdyňyzmy. Ýaňjada-ma, gezek bermän durduňyz?..
– Ähm-ühm - edip, ardynjyrap, ýene hälki ýaşuly söze başlaýar:
– Ikinji meselämiz inim, bäri çeträk täze göçülen ýer bolansoň, telefon stansiýamyz ýok. Entek gurnalmadyk. Aňyrda galan garyndaşlarymyz bilen hal-ahwal soraşyp bilemzok. Ana, şonam ýaňkyň ýaly, ýokara jaň edip, çöp döwen ýaly edip bersene!?..