Şahyr
— Ne adam şekilli gürleşip bilýär,
Bir görseň, dargursak, birde giň ýaly.
— Ne ýakyny bilen syr alşyp bilýär,
Ne köplükde sözläp bilýär il ýaly.

— Içimtap ol, beýdip ýörmek bolarmy,
Heniz agyzda dil, dilde söz barka?!
— ...Hut şo bolşuna-da, geň galaýmaly,
Ol munça goşgyny nirden ýazýarka?!

...Şahyr hakda gürrüň gidýär.
Söhbetler
bir gyzdymy, yza Alla gaýtarsyn!
Wah, şahyryň, asyl, özgeler ýaly
Gürläp başarmansoň, goşgy ýazýanyn
Bu giden jemendä nädip aýdarsyň?!

Kakamyrat Rejebow