Gider

Hakyk ýigit kalbyn açsa,
Imanly ýar söýüp gider.
Sada ýar,namarda duşsa,
Bütin ömri köýüp gider.

Gaflady aşna tutunan,
Köpçülik ýerden utanan,
Gam-gussa pälin atynan,
Ýalançydan doýup gider.

Mekirlikde nusga bolan,
Ýagşylygy serden ýolan,
Şeýtandan pis sapak alan,
Wyždanyny soýup gider.

Mert owazy dag ýumuran,
Demi ýamany gowuran,
"Ejizlik taplan"-diýp uran,
Hak binýadyn aýap gider.

Namart tursa mert är ýatmaz,
Haramlyga başyn atmaz,
Şirnazar gaflada batmaz,
Dogrulygy aýap gider.

Şirnazar Taganow: +99364121107