Göwnine degeñsoñ bagtly günleriñ
Aglanyñda näme ? Güleñde näme?
Sergezdan duýgular dökdi güllerin
Bilmäniñde näme ? Bileñde näme?

Birmahal azaşan umydy dolap
Gelmäniñde näme? Geleñde näme?
Garyp galan yşky gözlerñe çolap,
Gepläniñde näme? Dymañda näme?

Gör kimi ýoklapdyr yşkymyñ dady,
Örteneñde näme ? Köýeñde näme?
Ah, indi dag ýaly Tirkişmyrady
Söýmäniñde näme ? Söýeñde näme?

awtor : Tirkişmyrat Nurýagdyýew