Ýatlama

Gutardy! Hemmesin düýşümde görýän,
Geljegiň Güneşi öçdi bireýýäm.
Bagtly günler geçip gidensoň deňden,
Gyşyň sowuk ýellerinde titreýän.

Durmuşyň manysy bolupdyr tamam,
Söýgi, Ynam, Şatlyk — bary hoşlaşyk,
Maňa bir galan zat — diňe ýatlamam,
Onam gidenlere bilsemdim goşup.


Aýralyk

Gözýaş bilen ümsümlikde,
Çat açypdy göwünler,
Hem-de ikimiz şo pursat
Aýra düşdük ömürlik.

Ýaňaklaň duw ak bolup,
Posaňdanam sowukdy.
Sagatlar gynanjyny
Bildirmäge howlukdy.

Säheriň çyg damjasy —
Maňlaýymyň derleri.
Ah, näme duýýanymy,
Şu wagt bir bilsediň.

Puç bolan wadalaryň,
Unudylar çalaja.
Seniň masgaralygyň,
Paýlaşýarys bileje.

Adyň seniň gulagma,
Örän ýakymsyz bir jaň.
Titräberýän, nämüçin,
Beýle mährem bolduňkaň?

Eger içgin aýdaýsam,
Uzak gussa çekerin.
Seni tanaýanymy,
Iller bilenok eken.

Gizlinlikde duşuşyp,
Sessiz dilindi jiger.
Akylyň seni aldap,
Ýüregiň undup biler.

Nädip şunça ýyldan soň,
Ykbal duşuran güni.
Ezýet çekmän, gynanman,
Garşylarkam men seni?!

Iňlis dilinden terjime eden: Bägül ATAÝEWA.

Çeşme: Biznes Reklama 18iýul2022