Tebigatym berse howam
Ýüregimde sen bolarsyň
Jürküldisi barka sabaň
Ýüregimde sen bolarsyň

Sen birýana, dünýe birýan
Sensiz jan-u-bagrym girýan
Gaplasa-da güller dünýäm
Ýüregimde sen bolarsyň

Bakman dertleň artandygna
Kebzämdäkler dartandygna
Düşsem ýollaň çarkandagna
Ýüregimde sen bolarsyň

Söýgi uýap, gaýzyganda
Ýeke-ýalňyz hamsygamda
Bagtly günde, gaýgylarda
Ýüregimde sen bolarsyň

Durmuş - sahna, ömür - perde
Munda galmaz hiç bir bende
Janym çykýança bedende
Ýüregimde sen bolarsyň


Ylham GURBANALYÝEW