Men yşkymy gözlerimde gizledim,
Sözledim pyşyrdap gülleñ gulagna.
Iç dökere ýalñyz syrdaş gözledim,
Dözmedim syrymy köpleñ ýüregne.

Uzaklardan gaýyp gelýän ýapraga,
Altynsöw gudrata ellerim serdim...
Derdim gözlerime guýdy topragy,
Men şonda-da,
Men şonda-da
Sermedim...

Görmedim.
Hyýalym gussa büdredi,
Şapak reñki siñen göreçlerimi,
Özümden bihabar ynam döredi,
( Belki, undandyram biweçligimi)

Dogry,
Günläp ýatan gümmeze dönen.
Serim soñ oýlady iñ wajyp zady.
Hiç kimsäge göwni ýetmeýän bagtyñ,
Hiç kim däle göwni ýetip bilermi..!?

Maksatmyrat Çaryýew