Sen hakda oýladym kalbym goýnunda,
Ýürek telwas urdy, eý, şäherli gyz.
Hiç gözelde señ mähriñi duýmaryn,
Humaý gözli hem-de garahally gyz.

Ilkinji jümläni maña bagyşlap,
Diýipdiñ:" Men sensiz ýaşap bilmerin".
Indi ýatyr aramyzda menziller,
Bir-bireksiz ýaşap ýörüs, dilberim.

Sen hakda oýladym bahar goýnunda,
Kalbymyñ goýnunda seni ogşadym.
Gyş gijesi ýalñyzlykdan örtenip,
Buza dönen göwräm bilen gagşadym...

Allaýar Çüriýew