... Bilemok adyna näme dakdynyz-
Ajap atlar köpdür, ýene-de köp bor.
Ýöne at dakynmak ansatda bolsa
Olara eýelik etmekde gep bar.

Arslan, Ýolbars diýip at dakdyk bir gün,
(Şoňa mynasypdy ekizje oglan)
Ýöne on sekizen ötüp- ötmänkä,
Biri tilki boldy, birisi şagal.

Ýene iki çaga at dakdyk bir gün,
Öňkä şükür etdik. Bu onça-da ýok :
Geçi bolup çykdy Serdar dakanmyz,
Batyr dakanymyz towşança-da ýok.

Ikisi-de gaçdy enesin taşlap:
Biri işden gorkdy, biri okuwdan,
Birisi mäläp ýör Sibirde gagşap,
Beýlekisem agaç çapýar tokaýdan.

Onsan iki gyza at dakdyk bir gün,
Ikisi-de çykdy adyndan arzan:
Misden arzan çykdy Merjen dakanmyz,
Altyn hem- bir gujak odundan arzan.
Dakyn çaganyza in ajap ady,
Seçin-saýlaň täzesinden täzesin.
Ýöne çagamyzy at bezäp bilmez,
Goý çagamyz z adyny bezesin.