Başym aýlanýar.

Oturgyç, galam, kagyz...

Degre-daşym aýlanýar.

Gündizler, gijeler, agşam aýlanýar.

Bu nähili beýle?

Belki, bardyr aýlanmaýan?

Aýlanmaýan ýok.

Ýadaýanam ýok aýlanmakdan.



Gulagyma ses geldi:

„Diýdiler: „Professormykan ýa dekanmykan?”

Sen bolsaň ne professor, ne-de bir dekan

Howlukman barýarsyň işiňe bakan...”



Ýene bakdym, töweregme, daşyma.

Aýlanýanlar, aýlanýarlar daşyma.

Ýa bir bela geljekmikä başyma?

Belki bu toýdur, şowhun, şagalaň,

Görýäňä, barysy - garrysy ýaşy aýlanýar,

Şadyýan, şat aýlanýar,

Tutuş dünýe oýny ýaly çagalaň.

Belki-de toýdur...



Arman, başym aýlanýar,

Gözüme ýaş aýlanýar.

Gulagyma ses gelýär:

„...Sen bolsaň ne professor, ne-de bir dekan

Howlukman barýarsyň işiňe bakan...”

YLÝAS AMANGELDI