Meni uzak bir ýol çagyrýan ýaly,
Ýürek atygsaýar gözýetim sary,
Göýä ýol görkezýär janly tebigat,
Ynjalyk berenok duýgulaň bary.

Däli ýeller gelim cekýär ýeňimden,
Agaclar baş egýär bakyp şol ýana.
Şol tarapdan gün ýylgyryp seredýär,
Şöhle sacyp gök maýsaly meýdana.

Belki uzaklarda sen garaşýansyň,
Belki garaşýandyr gözlegli bagtym.
Ýa-da ol ýer utgeşikdir bu taýdan,
Belkide eşretde gecýändir wagtyň.