Kaka, daýhan piliň sowgat et maňa.
Ata kespin dowam ederim ýaly.
Seniň eken nahallaryň ýanyna,
ýene bir nahaljyk dikerim ýaly.

Atam köne gylyjyň sowgat et maňa.
Meýdanda at münip,
çaparym ýaly.
Watanyň üstünde sürünse duşman,
döş gerip,
öňünden çykarym ýaly.

Käbäm gül ýaglygyň
sowgat et maňa.
Mähriňi ýüzime ýaparym ýaly.
Ýat illerde syýahatda bolamda.
Mydam seni ýatlap ýatarym ýaly.

Läläm bir ýigit
sowgat et maňa.
Gadym nesillermiziň ýetmezi ýaly.
Meni senden ir äkitse keç ykbal.
Kesekileň dili ýetmezi ýaly.

Ata Täzebaý