BIZ GÜNÄKÄR...

Dymýar diýip merde günä ýöñkemek
Aýyp zatdyr,
dymyp ýatyr ene ýer.
Hasyl az berse,
ýerde günä ýok.
Biz günäkär,
toprak dilsiz janawer.

Ýere hyzmat gerek,
ders gerek ýere.
Zeýkeş gerek,
eger toprak zeýlese.
Biz günäkär
bizi ekleýän toprak
Ýaz gelende gyzyl-elwan geýmese.

Gamyş bassa,
haşal bassa pelleri,
Ählihalk rysgyna ýetirýäs zeper.
Biz günäkär,
benefit bir mellegi,
Kolhozyñ ýerini harlasak eger.

Ýurda pagta gerek,
bugdaý hem şaly,
Ýurt abraýy ýurduñ bagtyn göterseñ,
Biz günäkär
ene ýeriñ ykbaly
Küle çökse,
gol gowşuryp otursañ.

Topragy harlasak,
rysgal kem bolar
Hem kem bolar jübimizde teññämiz.
Hasyly az berse,
ýerde günä ýok,
Oñ deregne günäkär biz - hemmämiz!

Atamyrat ATABAÝEW.