Tankytçy alsa eline
Nalyş~nalamakdan gorkýan.
Çybyk çalynsa gülüme,
Gülüm paýramakdan gorkýan.
Köpüsi düşünmez maňa,
Aň etmez mendäki heňe.
Mazmunyma siňe~siňe
Syn etmän,zyňmakdan gorkýan.

Bir şahyryň perzendi men,
Ýürekleriň ýer bendi men,
Köp köňülde eglendimem,
Nadany görmekden gorkýan.

Düşerden düşünmez kändir,
Çyn okyjy jana~jandyr,
Süňňüm ýyldyzly asmandyr,
Günden aýrylmakdan gorkýan.

Gara gyl ýokdur saçymda,
Ýandym töhmediň peçinde,
Garaňky jaýyň içinde
Bulanýan taýakdan gorkýan.

Süýt içinden gan gözlänler,
Okap,bimany sözlänler,
Tankyda delil yzlanlar
Töhmede salmakdan gorkýan.

Ynsap~wyždanly okyjy,
Sen nirde~şygyrýet täji?
Süýjiden tapylmaz ajy,
Garylyp galmakdan gorkýan.

Ş.A. ya~da G.Ý.