Ýazypdyryn çüýläp çüýläp ýadyma
"Köp gülen bir aglar" diýlen nakyly
Uly hasrat geljek ýaly ýanyma
Kah kahlap ýürekden gülmäne gorkýan

Gorkýan söýülmekden, hemde söýmekden
Çyndan söýüp, yşk odyna köýmekden
Ýetmez öýtýän "söýgi'' atly köýnekden
Ýetsede egnime geýmekden gorkýan

''Biçdiler, dikdiler bagt donyny
Yşk gülinden bezediler ýanyny
Azajykdyr sanasaň wah sanyny
"Saňa ýetmez" " diýp eştmekden gorkýan

Uçurup bagymdan saýran bilbili
Gaçyryp dagymdan gyrat, düldüli
Geçirip ýaşlygym, soldyryp güli
Ahmyrda, gözýaşy seçmekden gorkýan

Çaldyryp pelegiň gamgyn sazyny
Gowşadyp ýüregmiň batyr sa:lyny
Görüp ykbalymyň çapraz ýolyny
Eýmenip men ondan gaçmakdan gorkýan.

Gelip ynsanlaryň hile, alyna
Ýetmän saçlarymyň kümüş, çalyna
Döz gelip Taňrynyň şirin janyna
Dünýeden arany açmakdan gorkýan
Täleýden basylyp gaçmakdan gorkýan

Jennet Meredowa