Bagyşla ýüregim, bagyşla meni
Ýadatdym ýyglatdym tapmadym derman
Mähre suwsan gedaý kimin ejizläp
Hasrat mukamyny çaldyrdym durman

Bagyşla ýüregim, bagyşla meni
Duruzjagam boldum seniñ urmañy
Durmuş bilen hoşlaşamda bes eder
Öýdüpdim men ykbal şarpyk urmany

Bagyşla ýüregim bagyşla meni
Alyp durmaz başyñ bularam geçer
Diýsemde, gorkýaram ejizlân göwnüm
Diýýâr "ykbal ýene nâmeler" seçer

Bagyşla ýüregim bagyşla meni
Berip bilmedim men bagtyña perman
Hyýalkeş gursagym hyýal keç eýlâp
Ga:ldyrdym men, sende ençeme arman

Jennet Meredowa