Barýan, menzil-menzil ýollary aşyp
Seni ýeke gezek görmeklik üçin.
Barýan, yşgym bilen deñiz deý daşyp
Seni ýeke gezek görmeklik üçin

Arzuw-hyýallarym serimi gaplap,
Özge pikirlerden kalbymy saplap,
Barýan men, ýollarda özümi taplap
Seni ýeke gezek görmeklik üçin

Bolsun, apy-tupan, ýagyş-gar bolsun,
Ýöne duşmak nesibämde bar bolsun,
Gerek bolsa tutuş ömrüm har bolsun,
Seni ýeke gezek görmeklik üçin

Gözüñden akaýsa bir damja ýaşyñ,
Gözüme görünmez töwerek daşym.
Barýan men, gowgada galsada başym
Seni ýeke gezek görmeklik üçin

Aýralyk ýyllarnyñ hataryn üzüp,
Aýtjak sözlerimi monjuk deý düzüp,
Barýan bak ýoluma gözleriñ süzüp,
Meni ýeke gezek görmeklik üçin.