Ýelkensizem bolsa, köne-de bolsa,
Küreksizem bolsa, bolsa-da bibat.
Garaz, bir gaýyjak tapylmazmyka?!

Ýogsa, ýüzüp bilmeýänim halyma,
Özümi meň oklaýmagym ahmal-a,
Ummana, wah, ummana...

Sebäp men ýa:ş hem samsyjak,
Şa gyzy deý hem gamsyzja.

Eger böksem men ýaýdanman,
Eger böksem men gagşaman,
Ýa şam borun balyklara,
Ýa ýeterin agşama,
O kenara, gök kenara...

...Garaz, maňa örän gyssag,
O kenara ýetmek gerek.
Bilesiňiz gelýä gerek?!

O kenarda gök tokaý bar.
Gök tokaýda kör torgaý bar.
Torgaý örän okumyşmyş.
Çynmy – ýalan, meňkem eşitmiş,
Hawa, myş-myş.

Gürleýärmiş adam ýaly,
Akyl almadan dadan ýaly,
Akyllymyş, akyllymyş.

Şoňa birje sorag berjek,
Hemem käbir syrym aýtjak.
Gaýdamda-da bolsa, delje,
Kitabyndan alyp gaýtjak,
Okar ýaly, okar ýaly.

Torgaý ýöne bahana! Ha-ha-ha!
Ýene-de bir goşgy i:ndi jahana! Ha-ha-ha!
Kämilleşýän barha-barha! Ha-ha-ha!

Laçyn Pürjäýewa
01.05.2007ý.