Gar tozgasy ýagyp dur,
Gögüň ýüzi ak duman.
Ýerde şatlyk çogup dur
Gam~gussany saklaman.

Çagajyklaň elleri
Bina edýär gar adam.
Saýrap duran dilleri
Söz paýlaýar her gadam.

Gar adamyň başynda
Düňderilen çelek bar. Gyýtak iki gaşynda
Sansyz gara ýelek bar.

Onuň burun jaýyny
Gyzyl käşir bezäp dur.
Çagalardan paýyny
Alyp, öňe dyzap dur.

Bereketli aklygyň
Dowam edýär ýagmasy.
Daş~töwerek ak bu gün~
Tebigatyň nygmaty.

Ýusupahmet.