Duman bolmasyn.
Säher şemal bolup atsyn her günler,
Aladaňlar howply duman bolmasyn.
Mydam gowulyga ylgasyn ynsan,
Adamyň niýeti ýaman bolmasyn.

Sözmüze ygrarly bolmaly biz mert,
Sogap gazanmagy etmeginiň dert,
Güýjüni bildirjek bolup her bir ýurt,
Ýykgynly-ýumranly zaman bolmasyn.

Islän zadyn samrap durmasyn agyz,
Köpelsin her ýerde halalja lebiz,
Diňe ýagşy zatlar edilsin wagyz,
Ajy-hakykatlar ýalan bolmasyn.

Ah nätjekdä olaň ykballary keç,
Sylap, hormat goýup oňa kalbyň eç,
Üstünden gülünip, kemsidilip hiç,
Ýetimleň durmuşy ýanan bolmasyn.
Dawut Hojageldiýew.