RUBAGYLAR

Mejnun oda ýandy, otdan boldy päk,
Wamyk gözýaşynda gark boldy heläk,
Perhat ýele sowrup bütin ömrüni
Bary gum boldy, men galdym ýeke-täk.

***
Aý on dördi bolup tapanda kemal,
Görse, özünde ýok sendäki jemal,
Erbet hala ýetdi, horlanyp gamdan,
Ilki doly eken, soň boldy hilal.

***
Gara kirpiklerim batyrma ýaşa,
Gizlin gamy dünýä paş etme aşa,
Aşyga iň zorluk biwepalykdyr,
Sen beýle zorlugy salmagyn başa.

***
Yşk älemniň bezegi, gülleri biz,
Dünýä meýhanasynyň mes lülleri biz,
Hasret çemeniniň gülüdir älem,
Bu çemeniň şeýda bilbilleri biz.

FIZULY