Kerwensaraý
Adam sypatynda inende ýürek
Gardanam tämizdi kalbyň dünýäsi
Bu kerwensaraýda ýaşadygyňça
Gün günden adamyň artar günäsi

Ugrarsyň kerwene goşuňy tirkäp
Şol günden başlanar seň üçin hasap
Gara başyň üçin bir çatma ýasap
Şükür etseň ýeter şonyň penasy

Kör eýleseň nebsiň iki gözüni
Ot bolsun söndürme sabyr közüni
Daň sazyna goşsaň iman sözüni
Her säher ýaňlanar hakyň senasy

Işan gyzy