DAÝZAMYŇ OGLY
Alçajykdym ulygyzdym,
Jahyldy daýzamyň ogly.
Men, ynha öýmüze geldim,
Sen nirde, daýzamyň ogly?
Bu şeýle bolupdy telmem,
Partygmy alyp elimden.
Saýlap keşimiň öňünden
Çykardyň daýzamyň ogly.
Suw çekerdik çelek-çelek
Aňardym... bolşuň janserek.
Gum ýüzüne goşa ýürek
Çekerdiň, daýzamyň ogly.
Sen azajyk öwünjeňdiň,
Menem saňa göwünjeňdim.
Eýdip-beýdip göwünjigmi
Tapardyň,daýzamyň ogly.
Garaşdym netimden gaýtman,
Aýdaýmaly zadam aýtman,
Aýdylmasyz zady gaýtam
Otardyň, daýzamyň ogly.
...Edilensoň hülli-hülli,
Düşünýänsiň şindi-şindi,
Içi senli günler indi
Gutardy, daýzamyň ogly.
Ogulnur ATAÝEWA.
Jahyldy daýzamyň ogly.
Men, ynha öýmüze geldim,
Sen nirde, daýzamyň ogly?
Bu şeýle bolupdy telmem,
Partygmy alyp elimden.
Saýlap keşimiň öňünden
Çykardyň daýzamyň ogly.
Suw çekerdik çelek-çelek
Aňardym... bolşuň janserek.
Gum ýüzüne goşa ýürek
Çekerdiň, daýzamyň ogly.
Sen azajyk öwünjeňdiň,
Menem saňa göwünjeňdim.
Eýdip-beýdip göwünjigmi
Tapardyň,daýzamyň ogly.
Garaşdym netimden gaýtman,
Aýdaýmaly zadam aýtman,
Aýdylmasyz zady gaýtam
Otardyň, daýzamyň ogly.
...Edilensoň hülli-hülli,
Düşünýänsiň şindi-şindi,
Içi senli günler indi
Gutardy, daýzamyň ogly.
Ogulnur ATAÝEWA.
3комментария
Чтобы оставить комментарий, необходимо на сайте.
