ÝÜREGIM


Meniň döşümdäki ýürek däl, serwim, 

Ýok, ol şygryýetiň şänigi eken. 

Bakylygyň meniň gursagma eken 

Gämigi eken. 

Ony seniň söýgiň bilen oýaryp, 

Suwardym gözümden akan ýaşa men. 

Doýurdym men ony şatlygym bilen 

Hem seniň al ýaňak ýaşlygyň bilen. 

Iýdirdim men oňa çeken külpetim, 

Gökden toýnuk gurup öten durnalaň 

Ýelginine onuň ýüzün ýelpedim, 

Meň ýüregim—şygryýetiň tohumy 

Hem seniň ýaz ýaly yşgyň salnan gap. 

Maňzy şine urup dömen şänik deý, 

Gabyk deý 

ol indi galypdyr boşap... 


Nobatguly Rejebow