Eje diýmek näme?
Eje diýmek şeýle mukaddes ynsan,
Ejeleň gujagy bahar-ýaz bolar.
Gije ýatman bize aýdan hüwdüsi,
Baky ömrümize aýdym-saz bolar.

Käbäň barmy? Diýmek baýsyň sen onda,
Ejeleň her aýdan sözleri gymmat.
Dünýäniň ýüzünde uludyr orny,
Olaň aýagynyň aşagy jennet.

Ejelermiz ýanymyzda wagty biz,
Şolaryň sag bolsun mydam janlary.
Uzaklardan gözlemäliň bagty biz,
Söýeliň mukaddes mähribanlary.

Ýer ýüzünde hiç kim tutup bilmeýär,
Şeýle mähribanlaň belent ornuny.
Ejäň gudratyndan güýçlidir diňe,
Ýeketäk Alladyr berk belläň şuny.
Dawut Hojageldiýew