Zenan diýmek eneňdir,
Ýary gije ýatandyr.
Daň saz berse oýanar,
Aňzaklarda doňandyr.
Hor-zar etmejek bolup,
Çar tarapa eňendir,
Sebabi ol eneňdir.

Zenan diýmek uýaňdyr,
Ýüzüň nury, tuwagy.
Ýagşy günde begenjiň,
Kyn günüňde söýäňdir.
Saňa geljek dertleriň,
Öňündäki gaýaňdyr.
Sebäbi ol uýaňdyr.

Zenan diymek ýaryňdyr,
Ömürlik ýan-ýoldaşyň.
Baýlygyňdyr, baryňdyr.
Alowlaýan ojagyň,
Keşgini deň çekişyän,
Ýakyn howandaryňdyr
Sebabi ol ýaryňdyr.

Zenan diýmek gyzyňdyr,
Gül-gunçaly ýazyňdyr.
Ömüre şatlyk getirjek,
Aýdymyňdyr, sazyňdyr.
Ogul bilen deň durjak,
Dowamyňdyr, yzyňdyr.
Sebäbi ol gyzyňdyr.

Zenan diýmek dünýedir,
Adamzada dowamdyr.
Gözellikde taý bolmaz,
Ýaşaýyşa güwäňdir.

Gurt Näzliýew