Lezzetli, ezýetli, minnetli sensiň
Gapýarsyň gözlerden garagy sen pul
Kimseler ýaşabam bilmeýär sensiz
Arzuwy,umydy,ýüregi sen pul

Seň syryňa düşünemok heniz men
Kimler üçin ýigrenji sen ejiz sen
Kimler üçin ýoldaşyndan eziz sen
Baladan bar zatdan geregi sen pul

«Pul»diýip diňmeýär enäň nalasy
«Pul » diýip gidýändir gyzlañ namysy
«Pul»diýip gyrylýar ynsan balasy
Aldyrýaň ellere ýaragy sen pul

Besdir mundan artyk ýazyp biljek däl
Mundan artyk kalbym ezip biljek däl
Sen barada ýazýan diňe Gerçek däl
Köpleriň dessany dilegi sen pul.