Aglar
Ýenede men ine seniñ gaşyñda
Sen meniñ bile däl özgäñ daşynda
Ýakyp meni ýigrim biriñ joşynda
Oduma tutaşjak gyjak tar aglar

Menä seniñ bilen senem kim bilen
Şol soraglar boldy bagrymy dilen
Meniñ bu zaryma gülküsi gelen
Seniñ bu gülkiñe aşyk zar aglar

Hyýalym sen bolduñ gije gündizde
Päk arzuwlar ýagşy niýet gunduzda
Dürli öwşin atyp gelseñ buýnuzda
Aklygyna kemsinip akja gar aglar

Resulberdi bu nalyşly sedadan
Nam galmady namys ardan edadan
Bir dilegim bitmese ol Hudadan
Resul aglar Ogulnäzik ýar aglar

Resulberdi Rahmanow