NÄDIP SÖÝMÄÝIN?!
Sen diýip, gözlerim şatlykdan gülse,
Ezizim, men seni nädip söýmäýin?!
Sen diýip, ýüregim otlara salsa,
Ezizim, men seni nädip söýmäýin?!

Gursagymda ylham joşup gaýnasa,
Setirlemde söýgi sözlem aýnasa,
Göwnüm al-asmanda oýnap-ýaýnasa,
Ezizim, men seni nädip söýmäýin?!

Gyş gelýär küýsedip ýyly mähriňi,
Ýaz gelýär ýatladyp eden ähdiňi.
Bilseň, saňa aýap ýörün mährimi,
Ezizim, men seni nädip söýmäýin?!

Bahargül Mejidowa