Eger meşhur şahsyýetler islenende mowzuk açanda bizden nähili kommentler alardy?
Agzalar barmysyňyz! Bar bolaweriň. Eger dünýä meşhur şahsyýetler islenene agza bolup mowzuk açanda olara agzalar tarapyndan nähili kommentler goýulardy. Geliň göz öňüne getireliň!

@Galileo Galileý: Men saýtdan gidýärin. Ýer aýlanýar diýenim üçin maňa ölüm jezasyny berdiler, hemmäňiz sag boluň.

@khanture: seni öňräk öldürmelidiler, ýer tegelek diýdiň, togalak diýdiň, tekiz ýeri nämelere meňzetdiň.
@Ahmedik97: dost şul agzada sakalyny sallap aldamaza, dogrudanam şol birazajygam bolsa aýlanýan bolaýmasyn.
@khanture: ýo bu ýaşogyň kellesi aýlanýar.
@anonim: ýer aýlansa biz nädip ýykylmany durýakak?

@Kriştianu Ronaldu: Agzalar men Mançester Ýunaýtede geldim. Täze klubymda üstünlik arzuw ediň.

@Mähek: Ogulşirin sen maňa d.äli diýipsiň, dakazat et hany, gel, haçan gördüň d.äliligimi?
@Kriştianu Ronaldu: men Ýunaýtedde agzalar.
@Mähek: Ýürege düşdüňaý Ronaldu senem, meň agalarymyň hemmesi ýokary wezipede, organda işleýär, topuň, sopuň bilen ýoguňa ýanaryn.
@Senýorita: Nirä gelseň şoňa gel, ýöne Liwerpula gol uraýsaň gözüňi oýaryn.



@Hiaýress: Senem bir ärde durmadyňaý, oňa geldiň, muňa geldiň.

@Kerim Gurbannepesow:
Çykarmy ýadymdan şol täsin pursat,
Çykjak bolaýsada bermen rugsat,
Gursagmyň üstünde gürsüldäp gursak,
Keteniň içinde gyzyl köz wagtyň.

@Hiaýress: aý ýaşuly, garaz işiňi bitiripsiňdä.
@anonim: howwalaý bu bize seýilbagda ogşaşýaňyz, zat diýip özi toraňňylaň arasynda gürsüldeşip ýören eken.
@Pegas: agzalar, bu şahyr poeziýamyzyň sütünleriniň biri, oňa sylaşygy ýitirmäň.
@Dani: Pegas tarapyny tutýaň welin, senem toraňňylykdan gelýäň öýdýän.

@Isaak Nýuton: kelläme alma gaçdy agzalar, diýmek ýerde dartyş güýji bar bolmaly.

@Hiaýress: seň kelläňe kerpiç gaçsa-da düzelmeýäň.
@anonim: howwa, biriňiz ýer aýlanýar diýiň, biriňiz bir zat bizi çekýär diýiň, garaz bir zatlar tapyň.
@anonim: Nýuton sen beň çeken bolaýma?


@Joan Rouling: Men täze kitap ýazdym, Garri Potter diýip, okarsyňyzda.

@Bilgirje: Kitabyňy okamadym, ýöne bir tiýne gymmat.
@Joan Rouling: Okamany nirden bilýäň nähilidigini?
@Bilgirje: Howwa kitap ýazdyň, taň etdiň, näme indi saňa şah çykdymy?

@Ýuliý Sezar: Şu Kleopatra gowuja zadaý.

@Hiaýress: hakykylaý Sezar, nomerini beräýdä.
@Kelleagyryk: her kim edenini görýär, ekenini orýar, bu durmuş bir synag meýdany...
@Ýuliý Sezar: Eý waý, näme diýýäraý bi..
@Kelleagyryk: durmuşda her bir ynsanyň ömri..
@Hiaýress: Senem teswir ýazýaňmaý dost.
@Kelleagyryk: wiý muny tema edip açjakdym, başga ýere ýazyp oturan ekenim.
@Bendtner: Sezar aga wkusyňa söz ýok.
@Ahmedik: Şulam öz ganj. reklama edip geçýädä.

@Dantes: Puşkini atdym.
@anonim: Haladym ýetirip dur, döredijiligiňizde üstünlik.
@Hiaýress: Nämesini haladyň, bir bendäni atdym diýýä.
@anonim: agzalar Puşkin itiň adymy ýa pişigiň?


@Robinzon Kruzo: Eger Siz ýabany adanyň gözelliklerinden lezzet almak isleseňiz meniň you tube kanalyma ýazylyň.

@anonim: sakalyňy bir alaýmalyda dost, ýaman kirli görünýäň.
@Hiaýress: adada ýeke özüň nädip oňuşýaň?
@Ahmedik: şo gidişiň gidiş boldy öýdýän seň?

@Gektor Troýa: Agzalar! Söweşde ýalňyşyp Ahillesiň jigisini öldüripdirin. Olam indi öýe gelip: Gektor, Gektor diýip gygyryp dur, näme etsemkäm?

@Hiaýress: Etjegiňi edipsiň dost, indi galanyny Ahilles eder.
@Baýker: Prokuratura jaň edäý dost, kömek ederler.
@Dark Wolf: Erkek ýaly, ýalňyşyp öldüripdirin diýseň dogry düşüner.
@anonim: öýde ýok diýdiräýsenaý dost.

@Spartak: Agzalar. Size bu gün köşkde näme edenimi aýdyp bereýinmi?

@FanB: Bilýäs näme edeniňi.
@Spartak: nirden bilýäňiz?
@FanB: kinoňy gördügä?

@Kançita Wurst: Men Türkmenistana geldim, menem araňyza goşaýyňda.
@Massimus: Sen bir gelme Türkmenistana. Öňem gün-günden ownap barýan, üýtgeşik zat görse şoňa meňzejek bolýan, gybat etmeli bolsa aýallara toba diýdirýän, gaşyny ütüp, ýüzüne krem çalyp, dodagyny boýap ýören käbir ýigitlerimiz saňa meňzemeginden gorkýas. Eý ýigitler, ýigitmisiňiz? Onda gaýrat ediň, birazajygam bolsa ýigit bolalyň!


**********

"Islenen.ru
Geçmişden bir gün, "Isleneniň agzalary XVIII asyrda"
Salam agzalar. Gyzykly bäsleşik gurnan Nirwana hanyma uly minnetdarlyk bildirýärin. Gatnaşan agzalara sag bolsun aýtmak bilen, hemmelerine üstünlik arzuw edýärin. Geljek barada gyzykly hekaýalardyr, ajaýyp goşgularyň şaýady bolduk. Geliň indi biraz geçmişe syýahat edeli. Eger şu agzalar XVIII asyrda ýaşanda nähili bolardy. (Bellik: bu mowzugy diňe degişme hökmünde kabul ediň, mowzukda ady tutulan agzalardan ötünç soraýaryn).

XVIII asyr. Bir türkmen obasy. Obaň garyp daýhanlary Annageldi baýyň ekin meýdanlarynda işläp ýörler. Obaň ýaşululary Bäşim aga bilen Mämmet agada şol ýerde işleýärdi.

-Salam adamlar, menem obaňyza täze geldim, (men saýta täze geldim) menem araňyza goşaýyňda.
-Mämmet diýýänä, soňky ýaşlar ýaman ýuwan bolupdur, gele-gelmäne aramyza girjek bolup.
-Äý inim, baý aga işlemäge ýer berdimi, bolduda işläberdä öz ýeriňde, biziň aramyza ýaramaýaň sen.

Myrat ýelek:
Men Size bir degişme aýdyp bereýin. Aman jaýtar bir gün eşege münjek bolup durka, eşekden arkanlygyna ýykylypdyr.
-Wuhahahaha...

-Myrat aga, Siz obamyzyň iň gyzykly adamlarynyň biri geliň Siziň bilen ýakyndan tanyşaly (@Massimus, Geliň tanyşalyň). Özüňiz barada gürrüň beräýiň.
-Eý waý, Mämmet, bu ýaňky araňyza salyň diýip ýören ýuwusga dälmaý?
-Ýok Bäşim, bu ondanam beter öýdýän, öliň soragyny berýän eken.

-Geliň men Size bir waka gürrüň bereýin. Bir güni bir gyz öýünden çykypdyr.
-Äý inim, sen nirden çykdyňaý, gyz maşgalaň öýünde oturany gowy. Haýsy tireden sen, lakamyň näme?
-Lakamym Kelleagyryk (@kelleagyryk).
-Kelleaýak diýýäňmi?
-Ýo Bäşim kelleagyry diýýär.
-Lakamyň-a bilip goýupdyrlar.

-Mekdebimize täze gyz molla (Nirwana mugallym) gelipdir. Hywadamy bir ýerlerde okan. Bizä öňki Sapaguly mollada (@Pegas) ýetikdi. Täze molla okuwçylarynyň (okyjylarynyň) arasynda ýazmak boýunça ýaryş geçirýämişin. Seň ogluň näme ýazyp bilýär?
-Meň oglum goýnuň ýüňüni gyrkyp, üçege ýazyp bilýär. Seňki nä?
-Meňk-ä, Mämmet ýazmaga eli degenok, ol guýy gazýar.

-Agzyňa..., kelläňe...., ýüzüňe...., ejeňi.....! (@Dani).
-Eý waý, bu kimiň gyzy, muň ýaly agzy hapa gyzy ene-atasy bilen bile obadan çykaryp kowmaly, beýleki gyzlarada erbet görelde görkezýär.
-Ýuwaş Mämmet, bu tagsyrymyz Annageldi baýyň ýekeje gyzy.
-Şu gyzyň dogumlylygy bir zada degýär. Muň aýdýan sözlerini erkek bolup biziň ogullarymyz aýdyp bilmeýär. Baý agaň gyzyna gelişýärem. Owadan sögünmegem bir sungat aslynda.

-Onsoň ýaňky gyz öýünden çykypdyrda, göni bazara..
-Äleýt inim, sen kelleagyry däl-de, içagyry öýdýän. Diýdimä gyz maşgala öýde otursa gowy.

-Salawmaleýkim Bäşim aga.
-Waleýkimessalam inim, gowumy, gelewer, şu ýaşlaň içinde senden gowusy ýokda, şu kelläň dörtburç diýmeseň. (@kwadrat kelle).

-Adamlar, hoş, sag boluň, men obadan göçüp barýan (men saýtdan gidip barýan), kimiň göwnüne degen bolsam bagyşlaň, obaňyza myhman bolup gelip duraryn.
-Mämmet. Bu düýnki gelen ýuwanmy, eýýäm göçüp barýamy?
-Howwa Bäşim. Bu günä zörledip gidip barýan diýer, ertirem lakamyny çalyşyp, menem araňyza salyň diýip, ýene uly ili bilen gygyryp geler.

-Sakaldaş diýýänä şu Nurgeldi agaň gyz agtygy bara (@Mümkin), goşgy ýazýar diýýärler, heý gyz maşgalada goşgy ýazarmy, nähili masgaraçylyk.
-Bäşim menä ýazýan goşgularyny eşitdim, maňa ýarady erbedem däl, ýöne goşgularyny halaýanymy hiç kime aýtmaweri.
-Wah menem halaýan, hasam bir goşgusyna aşyk boldum. "Aýby ýokdur duşan bolsaň Zöhräňe" diýip gutarýan goşgusy bara şona ýatdanam bilýän. Ýöne senem bulary hiç kime aýtmaweri.
-Bolýa.
-Adamlar, nähili masgaraçylyk, heý gyzdanam şahyr bormy, toba, toba.

-Adamlar meň pilim döwüldi, gaýrat edip kömek edäýiň (Meň telefonym zarýat alanak, gaýrat edip kömek edäýiň).
-Bu ýaşlar ýöne gygyryberýär. Piliň döwülen bolsa ussa äkit, oňart, bärde kim saňa pilini bersin.
-Howwalaý, aradada biri düýş gördüm, gaýrat edip kömek edäýiň diýip gygyryp ýör. Düýş kitapdan okaýmalyda nämedigini.
-Näme görüpdir?
-Aý, bir ak adam gelip eline bir ak zat beripdirmi, nämemi?
-Şükür etsin, entegem gara adam gelip eline gara zat bermändir.

-Onsoňam şu ýaşlar biri-biriniň doglan günlerini gutlap, hezil edýärler. Seň doglan günüň haçan?
-Aý menä bir erbet ýagyş ýagan güni doglupdyryn. Sen nä?
-Men bolsa kakam çölden geljek güni doglan ekenim.


* Sag bol'aý inim, güldürip bildiň. Ýöne diýänä, sen şular ýaly zat ýazsaň bellijek edäý depesinden, "garry-gurtylar okamasyn!" diýip, bormy? Ýogsam, maňa meňzeş beýlesinden eýlesi golaýlary alyp düşýäň sen. Ertirki gün süýreseler dagy özüňi aklamaga gowy bor, "men duýdurdym" diýip.
Birinji gezek okamda dagy gülüp oturşyma tas beýlä gidipdim, çöregim bitin eken, Hudaý saklady. Sähel galdy. Şondan bäri seň temalaňňy abzasma-abzas bölüp okaýan. Meň ýaşymdakylara seň açýan temalaň agyr gelýäl'aý inim bir gezekde okardan.