Momma kakam toý tutsa
(degişme goşgy)

Eşiden görmän geçmez,
Momma kakam toý tutsa.
Öýüňde nahar bişmez,
Momma kakam toý tutsa.

Näme diýseň diliňde,
Näme iýseň öňüňde
Afsantlaram deňiňde
Momma kakam toý tutsa

Palata zerli-zerli
Naharlar dürli-dürli
Içip bolarsyň kirli
Momma kakam toý tutsa

Puly käniň oýny kän
Geçisi kän,goýny kän
Bagşylaram şeýle kän
Momma kaka toý tutsa

Hajy,Hemra,Çary bar
Rüstem,Batyr,Nury bar
Aý karoçi bary bar
Momma kakam toý tutsa

Geler durar tanyşlar
Tanyşlar nätanyşlar
Görmeýäniň tanyşdyr
Momma kakam toý tutsa

Obamyz bolar şäher
Hiç kimde bolmaz gahar
Öýňe daşarsyň nahar
Momma kakam toý tutsa

Maşynlar köçä sygmaz
Myhmanlar keçä sygmaz
Şol gün ýagyşam ýagmaz
Momma kakam toý tutsa

Garyplaram daýanar
Görüplerem guwanar
Alkaşlaram begener
Momma kakam toý tutsa

Agam toýuň kän bolsun
Goşgym ýadygär galsyn
Gelmeýänlerem gelsin
Momma kakam toý tutsa

(11.03.2023)

Gerçeknazar Amannazarow.