Belki geler gowy günler,
Aýlar-ýyllar edip öwrüm,
Sebäpsiz ýere şugünler.
Aýt niçün darykýañ göwnüm?!.

Päk niýet salyp ýüregme,
Sygynyp Hak-a, keremne,
Aýnap, joşmagyñ deregne,
Aýt niçün darykýañ göwnüm?!.

Owalam gowy däldiler,
Diýme ,,sözünden dändiler",
Kän ahyr, ýagşy pälliler,
Aýt niçün darykýañ göwnüm?!.

Utulsam durmuş oýnundan,
Diýýäñ ,,Günä köp boýnuñda",
Sygyşman dünýäñ goýnunda,
Aýt niçün darykýañ göwnüm?!.

Gözlesem ýürekdeş, höwür,
Şum täleýim öwür-çöwür,
Ýalan-a yñylýan döwür,
Aýt niçün darykýañ göwnüm?!.

Ýaşap kadadan çykmany,
Arzuw binasyn ýykmaly,
Satyn alarys ykbaly,
Aýt niçün darykýañ göwnüm?!..

Awtory: Baýram Bejidow