Ýüregimde ýaşaýaň.

Unutmaryn, uzaklarda bolsaňda,
Çünki sen meň ýüregimde ýaşaýaň.
Bu gün özgäň gujagyna dolsaňda,
Ýene saňa bagt diläp ýaşaýan.

Geregim sen ,
Ýüregim sen,
Janym sen.
Janda ruhum, damarymda ganym sen.
Seni nädip beýle söýip bildim men ?
Indi diňe, bir sen diýip ýaşaýan.

Gerçeknazar aýdar sensiň mydarym.
Aýt sensiz bu derde nädip çydaryn?
Boldy besdir galmady meň kararym,
Menem adam düşün menem ýadaýan.

* * *

Aýralyk.

Haýyş edýän gitmesene söýgilim ,
Bu gün menden dönip barýarsyň nirä ?
Söz berdiňä "Baky bile borus" diýp,
Indi menden dönip barýarsyň nirä?

Aldandyňmy ,aldawçylaň alyna .
Baglandyňmy, nadanlaryň ýoluna.
Aýt, neneň dözýärsiň meniň halyma?
Aýdaý menden dönip barýarsyň nirä?

Bagt dälmi söýilip, söýip ýaşamak?
Şol ýaryň söýgisin duýup ýaşamak.
Seret maňa, gözlemdäki ýaşa bak.
Meni ýalňyz goýup barýarsyň nirä?

Ýa ýalanmy, hemme aýdan sözleriň?
Nüçin menden gizleýärsiň gözleriň?
Aglamaýda ,aglatmana dözmerin.
Aýdaýsana Aýym barýarsyň nirä?

Gerçek aýdar aýra düşip söýgimden,
Aýňalyp bilemok gussa-gaýgymdan,
Kalbymdaky undylmajak söýgim sen,
Bu gün menden dönip barýarsyň nirä?

* * *

Aýyrdy meni.

Boldy besdir artyk ýürek çydanok ,
Yşgyň ýüki juda maýyrdy meni .
Nüçin ykbal, ýeke ýalňyz galdyryp ,
Eziz söýgilimden aýyrdy meni?

Şerap içip dälliresem bir pursat ,
Şol gözel durmuşdan doýurdy meni .
Yşk ataşy ýakdy ýalňyz ýüregmi,
Gowurdy meni.

Bir wagtlar menem juda bagtlydym,
Göýä şol gözel hem söýerdi meni ,
Ýöne ýalan eken onuň söýgisi ,
Duýdansyz saman deý sowurdy meni.

…Şeýdip kerwensaraý özgerdip kem-kem,
Başga bir adama öwirdi meni.

* * *

Aýralygyň aýdymy.


Paraladyň kalbymy ,
Harladyň hyýallarym.
Geçdi söýgi salgymy ,
Ýapyk saňa ýollarym.

Nüçin meni söýmediň ?
Birje hoş söz diýmediň.
Öň halymy duýmadyň,
Indi hem duýaýmagyn.

Ynsan kalbyny jeňde,
Goýup bormy eýsemde?
Indi meni söýseňde ,
Söýýärin diýäýmegin.

Bakma gözde ýaşyma ,
Gyýylma aglaýşyma ,
Besdir girme düýşime ,
Armanda goýaýmagyn.

Artyk söýseňde çyndan ,
Saňa ynanmaryn men ,
Yza dolanmaryn men ,
Öziňem geläýmegin.
Söýmegin,söýäýmegin.

* * *

Görmäne geldim.

Dekabr aýynyň iň soňky güni ,
Bu gün size myhman bolmana geldim .
Henizem ýürekden söýýärin seni,
Görüp hal-ýagdaýňy bilmäne geldim.

Dekabryň on bäşinde toý tutdyň ,
Obanyň çetinde täze öý tutdyň ,
Bu durmuşda men utuldym sen utdyň ,
Utulanmy boýun almana geldim.

Işim düşüp, baryp bilmän toýuňa ,
Ynha bu gün geldim seniň çaýyňa ,
Klasdaşlam bilen gelip öýüňe ,
Owadan gözlerňi görmäne geldim.

Gerçek çyn söýgiň hem boldy biderek ,
Indi geçenleri unutmak gerek ,
Ýaşmakly gelin sen, iň soňky gezek,
Şol gara gözlerňi görmäne geldim.

Goşgylaryň awtory: Gerçeknazar Amannazarow.