Ýalñyşdyñmy?
Boýnuña al,
Düşün,
Dogrula.
Hat-da ýazgarsa-da bütin adamzat.
Çünki...
Ýalñyşlaryñ saña öwreder.
Nämede añsat zat, nämede kyn zat.
Şol pursat gursagyñ çekýän derdinden,
Bolarsyñ azat.

Ýalñyşdyñmy?
Boýnuña al,
Düşün,
Dogrula.
Gitse-de eliñden ähli baýlygyñ,
Ýa baýlygyñ bilen belki azaşdyñ.
Ýeter baýlygyñ däl seniñ barlygyñ,
Şonuñ bilen goja dünýä ornaşdyñ.
Boýnuña al,
Ýalñyşdyñ.

Ýalñyşdyñmy?
Boýnuña al,
Düşün,
Dogrula.
Özüñ gussa batan derdiñ çekmeli,
Kyn güniñ özgeleñ derdiñ çekişdiñ.
Şindi...
Saña gerek wagty ýitdimi?
Dolanyp özüñe ýene hoş geldiñ.
Düşün,
Ýalñyşdyñ

Ýalñyşdyñmy?
Boýnuña al,
Düşün,
Dogrula.
Geçmişe git, ötünç sora özüñden,
Özüñi däl illeri bagyşladyñ.
Ýöne esasy zat özüñi bagyşlamaly.
Ähli zada sen ýol berdiñ.
Dogrula,
Ýalñyşdyñ.

Jemşit Hajymämmedow