Ýekeje haýyşym aglama indi

Goý aglama, gülüp durka hemmeler,
Hasraty kalbyña baglama indi.
Aglan çagyñ Aý hem nurun kem berer,
Ýekeje haýyşym aglama indi.

Göz yaşyñ ýagyş däl üzülmez sepseñ,
Bir güleñde baldan çykan bal dek sen,
Gelse ýazgytly gün bagtdan ýaş dök sen,
Ýekeje haýyşym aglama indi.

Aglama, aglasañ utanar dünýä,
Çünki ejizligiñ derdini bilýär,
Kemşeren dodaklañ kalbymy dilýär,
Ýekeje haýyşym aglama indi.

Hiç ýylatmaz şol sowugy aýazyñ,
Döken ýaşlañ peýda etmez aýa sen,
"Agla" diýp dolup dursa bogazyñ,
Ýekeje haýyşym aglama indi.

Bagtyñ gapysynda agla sen, agla,
Buýsançdan guwanyp agla sen, agla,
Ajy jynazada agla sen, agla,
Ýekeje haýyşym aglama indi.

Jemşit Hajymämmedow