Agla kalbym eger ýeñleýän bolsaň

Dillerim däl, maña derek gözlerim,
Pyşyrdaýar eger diñleýän bolsañ.
Gysylan gursagyñ basyp üstünden,
Agla kalbym eger ýeñleýän bolsañ.

Senli ýodalaram eselip barýar,
Durmuşa höwesim peselip barýar,
Ajy gözýaşlarym ses edip barýar,
Agla kalbym eger ýeñleýän bolsañ.

Oýun dälä başlar ýaly täzeden,
Aýyp dälä gizlär ýaly hemmeden,
Bilmen gussalarma sebäp nämede?
Agla kalbym eger ýeñleýän bolsañ.

Durmuş basgançagyn ädimin ädip,
Geçen günler, sensiz geçmeli nädip,
Ykbalym kalbymy içinden gädip,
Agla kalbym eger ýeñleýän bolsañ.

Jemşit Hajymämmedow