Agla, kalbym, agla, ýöne gürleme,
Hiç kese agyry ynjym sözleme,
Içde galsyn içim ýyrtan ahwallar,
Tyg urany ýat içinden gözleme.

Ýagyşdan goranlam bolup saýawan,
Ýapynja bolanlam janym aýaman,
Oky ýaýa gurnap kirşin çekdiler
Kalbymyñ kalby saýanlarym her zaman.

Ne mejalym galdy sogrup almaga,
Ne-de islegim bar melhem çalmaga,
Ýatlañ müñ urgusyn saýmaryn emma...
Güýç-kuwwat ber şu gezegim galmaga.

Oguljan Bäşimowa