Edebiýat
MAÝ DUÝGULARY
15-05-2022, 16:59
MAÝ DUÝGULARY
Bu maý öňkülerden üýtgeşik geldi,
Güllerem üýtgeşik açylýar bu maý.
Söýgüçil agşamna süýt goşup geldi,
Köçeler gaýmakly, gözeller — humaý.
Ho-ol gyzlar posasyn üfläp goýberýär,
Gyz demi ýaýraýar ýazyň bedenne.
Sataşan göreçler jüpläp toý berýär,
Söýgi porhan bolýar ýazyň edenne.
Köpräk ýazylýar söýgi hatlary,
Ýazylýar öýkeler, ötülýär ýazyk.
Açylýar goşguly kitap gatlary,
Kiçijik uçgunlar ataşa ýazyp,
Tutaşýar.
Tutuşýar eller elleri.
Aý, onsoň dillerem bala öwrülýär.
Sährada ysgaşyp güller gülleri,
Hoşlugyň ylahy syryn öwrenýär.
Bu maý öňkülerden üýtgeşik geldi,
Owadan geýinýär indi gyzlaram.
Çog gyzyl köýnekde üýtgeşik gülli
Keşdelerden köňle düşen yzlaryň
Ýarasyna ýagyş ýagýar, agyrýar.
Pyragyň yşkyndan medete mätäç,
Meýdanda meý süzen gözlem agarýar.
Gurbannazar deýin ýapraklardan täç,
hem jyga ýasanyp, başa gideýin.
Men myhman, mysapyr, sözüm geçenok,
Eý, dünýä, myhman men ataňdan uly!
Munda sogabyma peri düşenok,
Barybir, zadym ýok hatamdan uly.
Baharda yşk geçse gözden gözlere,
Ownuga geçermi nobat uludan?!
Batyr gözlem, batyl gözlem kösendi
Artan setir tapman Nobatgulydan.
Yşk eser etmese, galamy duşa:ý,
Bu bahar yşkyma güýç goşup geldi.
Ýa:za:m ýa:zdyr welin, barybir şu aý –
Bu maý öňkülerden üýtgeşik geldi.
✏Seýitmyrat GELDIÝEW
Güllerem üýtgeşik açylýar bu maý.
Söýgüçil agşamna süýt goşup geldi,
Köçeler gaýmakly, gözeller — humaý.
Ho-ol gyzlar posasyn üfläp goýberýär,
Gyz demi ýaýraýar ýazyň bedenne.
Sataşan göreçler jüpläp toý berýär,
Söýgi porhan bolýar ýazyň edenne.
Köpräk ýazylýar söýgi hatlary,
Ýazylýar öýkeler, ötülýär ýazyk.
Açylýar goşguly kitap gatlary,
Kiçijik uçgunlar ataşa ýazyp,
Tutaşýar.
Tutuşýar eller elleri.
Aý, onsoň dillerem bala öwrülýär.
Sährada ysgaşyp güller gülleri,
Hoşlugyň ylahy syryn öwrenýär.
Bu maý öňkülerden üýtgeşik geldi,
Owadan geýinýär indi gyzlaram.
Çog gyzyl köýnekde üýtgeşik gülli
Keşdelerden köňle düşen yzlaryň
Ýarasyna ýagyş ýagýar, agyrýar.
Pyragyň yşkyndan medete mätäç,
Meýdanda meý süzen gözlem agarýar.
Gurbannazar deýin ýapraklardan täç,
hem jyga ýasanyp, başa gideýin.
Men myhman, mysapyr, sözüm geçenok,
Eý, dünýä, myhman men ataňdan uly!
Munda sogabyma peri düşenok,
Barybir, zadym ýok hatamdan uly.
Baharda yşk geçse gözden gözlere,
Ownuga geçermi nobat uludan?!
Batyr gözlem, batyl gözlem kösendi
Artan setir tapman Nobatgulydan.
Yşk eser etmese, galamy duşa:ý,
Bu bahar yşkyma güýç goşup geldi.
Ýa:za:m ýa:zdyr welin, barybir şu aý –
Bu maý öňkülerden üýtgeşik geldi.
✏Seýitmyrat GELDIÝEW
5 комментариев