Gurluş

Owal gurluş şeýle, üýtgärmidi heý?
Düşün, hemme zatlar şeýle bolmaly.
Dünýe , dünýe dälde jennet bolardy,
Munda hemme zatlar oňat bolsady.

Ýöne beter jähennemem däldir ol,
Bilseň derdiň dertleriňe dermandyr.
Uly baýlyk manat dälde kanagat,
Kanagatly baýlardan baý bolýandyr.

Uzakly gün işlemeli pul diýip,
Günden däl günäden garalypdyr ten.
Adamlar ölýärler, geň görmeýärler ,
Onsaň galan zatlar görülýärmi geň.

Aýrylanlar düwünçege ýatlanýar,
Doga edýär, dileg edýär göwni hoş.
Metjide-de orazada gatnalýar,
Galan wagty gelýän ýog-a , bolýar boş.

Gowy günde ýatlaýarlar tyllany,
Agyr günde ýatlaýarlar Allany.

© Gerçeknazar Amannazarow

(05.05.2023)