GELDIŇMI SEN?

Geldiňmi sen ?
Duýgylarmy depeläp,
Gussalara gark etmäge geldiňmi?
Geldiňmi sen ?
Ýarama duz sepeläp,
Umytlarmy ürkütmäge geldiňmi ?

Geldiňmi sen ?
Ýalňyz ýürekde ýanan,
Ýakymsyz ýatlama bolup geldiňmi?
Sözüňem ,söýgüňem bolupdy ýalan,
Wepasyz wadaňy alyp geldiňmi?!

Indi öz-özüme erkim ýetenok,
Begenerin görünmeseň gözüme.
Däli ýaly gözlem uka batanok,
Ýürek duýgym syganok her sözüme.

Geldiňmi sen ?
Düýşlerime alaşyp,
Sered-ä sagadam bardy bir çene.
Bary giç,
Bary puç boldy söýgümiz,
Bary bir geleniň peýdasy ýog-a,
GITSENE.

© Gerçeknazar AMANNAZAROW