Ümsümlik,
Aslynda üstünlik bize.
Galmagaldan, adamlardan çekilip.
Özüň bilen , diňe özüň gepleşseň,
Ýetdirmejek bagt ekeni ýekelik.

Käteler ýalňyzlyk iň gowy ýoldaş,
Kähalat ümsümlik iň ajap syrdaş.
Etsem-petsemlerňi aňyňda aýla,
Soňra jemle,
Soňra, amal et,
Synanş.

Wagt-puldyr.
Hatda puldanam gymmat.
Wagt Biribaryň peşgeşi bize.
Iň gowy peşgeşler puly berilmez,
Iň gowy peşgeşler görünmez göze.

Bolsa bolup geçsin töwerek tümlik,
Şeýle peşgeşleriň biri ümsümlik.

© Gerçeknazar Amannazarow