Ilden-günden artyk zadym ýok meniň,
Hudaýa şükürem, kem zadymam ýok.
Il içinde tutulyp dur kä adym,
Baýlyga hars urýan geň badymam ýok.

Ogul-gyz, agtyklar gallasa daşyň,
Tabşyran ýumşuňy bitirip dursa.
Iň uly baýlygym ýagşy niýetler,
Taňrym arzuwlarňa ýetirip dursa.

Ykbal käte atlandyryp arzuwňa,
Seni menzillere ataryp dursa.
Uly döwlet eken, bagtlylyk eken,
Seni arzuwlaryň göterip dursa.

Çary Isaýew