ÇYKALGA

Gije älem giňeýär,
Gämiler gygyrýar asmana garap,
Nikotin bulutlar gaýýar ýokarda.
...Maňa täze kitap ugrat,
Öňkilerňi gutardym.

Içim gysýar, meni täzeden ýarat!
Çydar ýaly däl bi halys
her agşamara.
Bir otagly jaý ber ilki,
Büzmeýinden, amatlyrak.
30 ýyllyk kredit töläp ýaşara -

Daş ber äpet, Köpetdaga daşara,
Güýmenerin tä alynçaň janymy.
Keseller öldürýär käbirlerimizi,
Ýalňyzlyk azaldýar galanjamyzy.

Içim gysýa, intelligent dertlem bar.
Nädip aýtsam?
kän bir... däl-dä gyzykly.
Çemin tapsam çykyp gitjek gijeden,
Sözün tapsam aýdyp dynjak ymykly.

© Begençgeldi ORAZOW