Körpe oglankam meni söýüp, gowy görerdi,
Ýedi dilli tüýdügi meň elime bererdi.
Öwrenje barmaklarym boş gamyşda ýörende,
Oň ýaly eşikleri çala owaz berende,
Hudaýlary wasp edýän belent mukam alamda
Ýa sada çopanlaryň sada heňin çalamda,
Gözlerini güldürip, diňlärdi şatlyk bilen
Dublaryň kölgesinde ertirden agşama çen.
Syrly gyzyň sapagyn çuňňur diňläp ýaşardym,
Bir söý bilen berlen bu sylag üçin joşardym.
Bir söý bilen berlen bu sylag üçin joşardym.
Gözel ýüzden zülplerin serpip, arka atardy,
Birden özi tüýdügi meň elimden alardy.
Ylahyý nepes bilen ol tüýdük seslenerdi,
Mukaddes bir yşk bolup kalbymda beslenerdi.

A.S.Puşkin

Terjime eden: Ylham NASYRLY