Ymam Agzam ady bilen meşhur Bagdatly alym Ebu Hanihäniň aýakgap ussasy bir goňşysy bardy. Bu adama örän köp arak içýärdi. Gijäň ýaryna çenli içip özünden geçýärdi. Serhoş bolup näme aýdyp, näme edýänini bilmez hala gelýärdi. Serhoş bolansoň aýakgap ussalygyny unudyp özüni söweş meýdanlarynda ýeňilmez gahrymandyryn öýderdi. «Heý, heý! Maňa gowyja serdiň, bu söweş meýdanlaryň gahrymany mendirin.» diyip sesiniň ýetdiginden gygyrardy. Sebäbi içki aklyny başyndan alardy. Daň atýança gygyrardy. Beýle ýagdaý töweregi birahat edip, ukylaryna päsgel edip, gijäni awy ederdi.
Bu ýägdaýdan iň köp birahat bolýan hem iň ýakyn goňşysy Ebu Hanifedi. Ol gijelerini ylym ögrenmek bilen geçirerdi. Emma aýakgap ussasy goňşysy diýseň birahatlyk berýärdi.
Bu ýagdaýa mundan artyk çydam edip bilmedik halk, serhoşy arz edip zyndana atdyrypddyrlar. Ymam Agzam ol gije goňşysyndan hiç hili ses eşidilmänsoň, sebäbini sorapdyr. Zyndana atylanny eşidip, ol şol bada şäher häkiminiň ýanyna ylgapdyr we goňşysynyň bagyşlamasyny haýyş edipdir. Şäher häkimi Ymama aýratyn hormat goýýar ekeni. Häkim tussagy Ymam Agzamyň huzuryna getirdip, etmişini gaýtalamajagyna söz berse bagyşlaryn diýipdir. Aýakgap ussasy hem eden etmişinden, hem öz goňşysyny her näçe birahat etse-de yzyndan gelmegine utanyp ýere girip bilmändir, utanjyndan gepläp hem bilmän ýere bakyp durupdyr.
Soňra goňşysy bilen Ebu Hanife ol ýerden gaýdypdyrlar. Ýolda gelýärkäler Ebu Hanife goňşysyna: « Ýeri-how, goňşy, seni göresimiz gelip gitdi. » diýenmiş. Goňşysy şol taýda Ymamy gujaklap özüni bagyşlamasyny haýyş edipdir.
Şol günden soňra ayakgap ussasy arassa, halal adam bolup, ömrünüň ahyryna çenli goňşylaryny hiç birahat etmändir.