Megerem, sen hakda ýazmadyk bolsa,
Şahyr — şahyram görülýän däldir.
Suratkeşiň iň ajaýyp eseri,
Belki, senden nusgalanyp dörändir.

Kompozitor öz sazyny ýazanda,
Seniň ýaz kalbyňdan ylham alandyr.
Heýkeltaraş, zergär... — belki-de, seni,
Eser döredende ýada salýandyr.

Alym, şahyr, zergär, sazanda...— diňe,
Olar ähli zehinini ulanyp,
Döredip özgerdýän bolsa eýýamy,
Sen ýönekeý ynsan bolup, eý, Ene,
Döredýärsiň "DÜNÝÄNI"!