Haýsy kompozitor ýazdyka meni,
Kalbym-nota, zybanym-saz guraly,
Ýüregim aýdyma zowladyberýär,
Içimde bir bagşy oturan ýaly.

Meni haýsy şahyr düzüp goýduka?!
Şygyr men - sünnäläp ýazlan kagyza,
Söýgisin kalbynda gizlän aşyklar,
Meni okap berýär söýen gyzyna...

Kimkä meni çeken?! Kim ol suratkeş?!
Çekipdir täsin bir söýgä meňzedip.
Indem aldygyna şygyr ýazýaryn,
Bilmän derýalar deý yşkym gowzadyp...

Kim ol şahyr, kompozitor, suratkeş,
Meni täze ýazan, döreden gurluş?!
Aýtsana, durmuş?

Goçmyrat Orazberdiýew.