Sen beýiksiñ, beýikleriñ beýigi,
Ejizleriñ, ýalñyzlaryñ diregi,
Eliñdedir iki dünýäñ şalygy,
Munda şeýtan, onda dowzahdan gora!.

Gora eziz Allam bela-beterden,
Dost sypatda gelen duşmandan gora,
Uzakda saklagyn biwepa ýardan,
Namyssyz bihaýa hatyndan gora!.

Pesse goýma, sakla iliñ deñinde,
Ejizletme namartlaryñ öñünde,
Durmuşumyñ bu külpetli ýolunda,
Başa geljek agyr hallardan gora!.

Tilki şagal bilen eýlemez ýoldaş,
Duşmanym bolmasyn, bolsa-da ýolbars,
Toýly günlerimiz eýlemegin ýas,
Duşmanlaryñ güljek güninden gora!.

Taññy aýdar bir gün sanalgym dolsa,
Ezraýyl perişde janymy alsa,
Eziz läşim gara guma garylsa,
Jennet eýle jaýym dowzahdan gora