Gulagyñy şu aýtjak sözlemden gandyr,
Ýat tut şu ýazylan setirlem meniñ,
Ykbal şäher içi awtobus däldir,
Bir gitsem yzyma getirme, meni.

Bil, aýnany gum içine gaçyrsañ,
Soñ keşbiñem tutuk görner bakañda,
Eger okap düşünmegi başarsañ,
Ýañky iki setir göwnüm hakynda.

Bu hala özüñi salyp görme sen,
Tap getirmez, gowşa:r aklyñ nurbaty,
Sataşsak ýüzümi salyk görme sen,
Meñzim ynjan duýgylarmyñ suraty.

Säherler ýoklugym bilinmez, emma,
Çyn yhlasym ýada düşer öýlänler,
Maña düşünersiñ, söýeniñde däl,
Başga hiç kim seni men deý söýmände.

Sen-ä söýgä, menem sabyra garyp,
Ugrumyzyñ bir däldigin çak edýän,
Ýyllar basgançakdyr- kimi ýokaryk,
Kimi bolsa barha aşak äkidýär.

Geñmi nä, aýaklañ basgylap giden,
Kenaryna deñziñ atyşy owsun,
Men gidýän, bagtly bol, iñ soñky eden,
Hatañ päk yşkymy harlanyñ bolsun!.